الارشيف / أسواق / أسواق المال / اقتصاد ومال

اخبار الإقتصاد عروض ونصائح على صفحة فسيخ ورنجة للناس الأكيلة‎

Writers
السبت 15 أبريل 2017 06:03 م
فسيخ

محمود جمال

بدأت صفحة "فسيخ ورنجة للناس الأكيلة"، والتى يتابعها نحو 15 ألف زائر على موقع التواصل الاجتماعى "فيس بوك"، استقبال طلبات ربّات البيوت منذ الأسبوع الماضى مع اقتراب الاحتفال بأعياد الربيع وشم النسيم.

وتنوعت الطلبات بين فسيخ ورنجة وأم الخلول، بأسعار تصل إلى 120 جنيهًا لكيلو الفسيخ، و30– 55 جنيهًا لكيلو الرنجة حسب الجودة.

كما قدمت صباح نصر، مؤسسة الجروب، خصومات من 10- 40% على المنتجات الفلاحى أيضًا بمناسبة افتتاح محل لها فى حى مدينة نصر، الأسبوع الماضى.

ودارت المناقشات بين صباح وزبائنها على الجروب حول مواعيد تسليم المنتجات، كما قدمت مجموعة من النصائح لهم تحت عنوان "تنبيهات وتعليمات وهنعدى بيها الفلنكات".

1_ الفسيخ مفيهوش فصال: الحاجات غالية لوحدها بلاش مناهدة وفرهدة، أنا عاوزة أفضل شباب هعجز منكم وابقى تيتة. 

2_ الفسيخ السليم فى الجسم السليم، بمعنى لو أخدتى السمكة سليمة هتشوفى لووونها الحقيقى البمبى ده ونضافه بطنها 

3_ الفسيخ المخلى بيتغير لوونه زى التفاح والبتنجان وده بيثبت إنه فى حديد وإنه معمول صح مش سمك مسلوق لأن السمك اللى بيتحط فى ميه سخنه مبيغيرش لونه وده خطرررررر. 

4_ إمتى الفسيخ يبقى بايظ لما يبقي ريحته نشادر وتعطسى بسببه أو يبقي لزززج. 

5_ اللى هيكلمنى عن الدايت هاخد رقم الدكتور واتأكد من اليوم الفري وابلغ عنه. 

6_ الفسيخ وجعلى بطنى: 

 حضرتك متضربيش بيض مسلوق الصبح وملوناه ألوان صناعى وبعده بطيخ وبعده فسيخ وبعدة بيبسى وتقولى بطنك وجعتك. مش هتبقي بطنك بس 

7_ الفسيخ المخلى من كيلو بيوزن نص كيلو لحم خديه سليم واوزنى قبل وبعد متغلبنيييش.

8_ كلى على قدك بلاش طفاسه.

9_ الفسيخ اللى لونه أخضر مش بايظ.

10_ الموووسم زحمه مش قصدى مردش عليكى بببقي مشغووووله التمسولى العذر.

كل سنة وإنتو حبايبى.


جريدة المال - اضغط للاشتراك فى النسخة الورقية من جريدة المال

المصدر: اقتصاد ومال

اشترك فى النشرة البريدية لتحصل على اهم الاخبار بمجرد نشرها

تابعنا على مواقع التواصل الاجتماعى