أخبار العالم

رسائل مبكية.. ثائرة من يناير : أيوه بشرب سجاير بس مش بقتل ولا بسجن

علاء السيد الأربعاء، 04-12-2019 06:20 م

وجهت بسنت محمد الناشطة وأحد ثوار 25 يناير عدة رسائل قاسية لمن يتهمونها بأنها تصر على التدخين، وذلك دليل على أنها تفعل أشياء غير مجدية، ودليل على انحلالها.
وكتبت بسنت في عدة تدوينات على حسابها في تويتر : " أنا بشرب سجاير وقهوة.. آيوه بشرب سجاير ومن سنين كتير..  بس مش قاتلة ولا زانية ولا فاسدة ولا مهربة آثار ولا سارقة ولا بحرض ع الرزيلة ولا بحض ع الخراب والحرب والفساد .. أنا بشرب سجاير وقهوة وده أقصي فساد بعمله في نفسي.. أنا بشرب سجاير بس لا أتعاطي المخدرات أو المسكرات".
وأضافت الناشطة: "  أنا بشرب سجاير وقهوة بس فلوسهم من جيبي مش من جيبك ولا من خزانة الدولة.. أنا بشرب سجاير عشان إنت تتعالج بفلوسي لأن أنا مش منتمية لأي تأمين صحي أو تموين أو أي شيء مجانا أو مدعم من الدولة..  أنا بشرب سجاير بس مبتمولش من الخارج ولا خاينة لبلدي بالعكس بعملها دعاية بقالي سنين من جيبي".
وتابعت في دفاعها عن نفسها :  " أنا بشرب سجاير وقهوة بس بصلي وحافظة أجزاء من القرآن الكريم وبصوم وبزكي وبعمل كل شيء يخلي رب العالمين يرضي عني..  أنا بشرب سجاير بس عمري ما ظلمت إنسان ولا حتي حيوان.. أنا بشرب سجاير بس معملتش عمليات تجميل وشد ونفخ وشفط و مغيرتش خلقتي و راضية بشكلي ومعترفة بسني و فخورة بنفسي".
واستطردت في حديثها : " أنا بشرب سجاير وقهوة بس ربيت أولادي الأيتام اللي حافظت عليهم لحد لما كبروا وجاروا عليا جينات أبوهم طفحت عليهم معلش عادي ما أنا بشرب سجاير بقى.. أنا بشرب سجاير بس تعالي كده وحاول معايا وشوف هيحصل فيك إيه..  حافظت علي نفسي 47 سنة من مجتمع بطبيعته متحرش وحافظت علي اسم أبويا".
وفي حديثها المؤلم عن حياتها تقول : " أنا بشرب سجاير بس عمري ما بصيت عليك وإنت بتخون وبتخدع وبتسرق وبتزني وبتفسد وبتظلم..  أنا ممكن أنتقد الدولة أو شخص مشهور له تأثير ع المجتمع وبرضو براجع نفسي.. أنا بشرب سجاير بس ممدتش إيدي في جيبك وخدت تمنها منك بشربها وبضر بيها نفسي فقط.. بشربها ومبرميش علبتها ف الشارع. مبزعجكش".
وفي نهاية حديثه تقول الناشطة بسنت : "  ليه بقول كده ..عشان لازم المجتمع يفوق من غيبوبته.. بقينا في 2020 ولسه فيه بهايم بتحكم ع الست اللي بتدخن إنها عاهرة وفاتحة بيتها دعارة..  فوقوا بقي أنا لا سرقت ولا قتلت ولا أكلت مال يتيم ولا ظلمت حد ولا ف أيدي سلطة اسجن بريء وأقتل روح حرمها الله ولا بزني ولا حتي برافق فوقوا".

المصدر: أهم الأخبار - الشبكة العربية

اشترك فى النشرة البريدية لتحصل على اهم الاخبار بمجرد نشرها

تابعنا على مواقع التواصل الاجتماعى

قد تقرأ أيضا